20 de março de 2009

Diario dunha muller sinxela II


Diario de hoxe 20 de marzo .

Se miro pola xanela... vexo un ceo azul precioso acompañado do calorciño primaveral, aínda que hoxe hai unha lixeira néboa.

Estou a pensar... en como organizar o xardín

Dentro das cousas que aprendemos, hoxe... estivemos a traballar no noso pendurico das estacións.

Síntome agradecida por... a vida!

Das cousas de comer salientar... que teño mono de madalenas de Nutella!! :)

Teño posto... unha blusa estilo country de manga francesa cos cadros en verde e beixe e unha lixeiriña raia en burdeos que leva un bordado de flores tamén en verde. Uns vaqueiros "piratas" cun cinto no mesmo verde, uns calcetíns altos calados en burdeos e vou por uns zapatos de plataforma en pel marrón con detalles en verdes. Tamén levo posto un colarciño de bisutería con bolas en burdeos e os pendentes iguais.

Estou a ler... ultimamente revistas de xardinería

O que espero... que se lle pase xa o catarro a un dos meus pequerrechiños e tamén a otro que empezou hoxe tamén coa tose :(

Estou a crear... un aplique para un vestidiño

Estou a escoitar... a dous dos meus xogar (e a tose, ains)

Por toda a casa... xoguetes, para non variar :)

Unha das miñas cousas favoritas é planificar o xardín

Algúns plans para o resto da semana... rematar o areeiro

Unha foto para compartir:
Mercamos este pantalón para o noso máis pequeno nunha tenda en liquidación. É auténtico daqueles anos, 60-70.

Quedei coas ganas de que houbese talla para todos, mesmo para min, encántame a cor, o tacto, o material (terlanka!! lembrádesvos de cando as cousas estaban feitas por istos materiais tan psicodélicos?) e outra "curiosidade", foi feito na España!! incrível!! xa se me fai raro atopar téxtiles feitos aquí, nestes tempos onde soen vir de países onde é moito máis doado explotar ó proletariado.

A última curiosidade pertence ó prezo do pantalonciño, tamén acorde con aqueles anos: 1€ :)