Pois iso, que mudo o recén inaugurado post-mistura dos martes para os mércores e para non perder o costume tráiovos outra morea de blogues homeschoolers, anímovos a que deixedes un comentario en cada un deles, sobretodo nos blogues dos cativos pois se a nós nos fai ilusión recibilos, imaxinade a eles!! :)
- Mi escuela. Ekam ten 8 anos e ven de estrenar este blogue cunha primeira mensaxe moi interesante.
- Aprendre Jugant. Blogue de Llüisa, doula, dende o Alto Penedés.
- Quijote de andar por casa. O blogue de Jose Mari desde Navalpino (si, é o home de "Macedonia de fruta dulce")
- Mis dibujos animados. Outro blogue de Jacqueline, vaivos encantar e ós pequenos aínda máis.
- Javier, o fillo pequeno de Jacqueline, tráenos máis blogues interesantes dende As Palmas: Las mejores fotos, Como vino se fue.
- Nuestro cuaderno de campo é o novo blogue conxunto de Esther e o seu fillo maior Elías.
![](https://lh3.googleusercontent.com/blogger_img_proxy/AEn0k_uJffTKIgQye_b_NzRxsuOItP4ttqP0aZnF9JhLASA11sIDWYzhbda5NDBL5vjWTksw9VYWJuQVZNy_FootJV1FKpXZnXDqUYdcPw=s0-d)
Hoxe quérovos animar a participar no
SpringAlive!, que é unha fermosa actividade para dar a benvida ás aves que voltan co calor na que participan nenos de toda Europa. Unha oportunidade para mirar para o ceo, falar das aves migratorias, das estacións,... Están a preparar materiais para o profesorado, así que estaremos atentos.
Obrigada a valedegil do
Pés na relva quem nos falou desta actividade.
![](https://blogger.googleusercontent.com/img/b/R29vZ2xl/AVvXsEjn_AI-cPUMR91few_XqRCc-J5EieZg3oHix20fttxq2z9TgBLr-UVeprRkVnN87uGXP6gbRlnCEVeZRq6b5ljfRvxu9zDuxgP2cn7BJ4gl54hnO5JJ6o4T8_Fwoch3vFrfaH8o9r7YRQE/s320/ezyne2.png)
O outro día chegoume por e-mail este maravilloso conto escrito por Nunila López Salamero e ilustrado por Myriam Cameros Sierra que é unha versión dos contos de princesas de toda a vida.
Se queredes mercalo impreso podedes dirixirvos ó blogue conxunto das autoras, que se chama como o conto:
La cenicienta que no quería comer perdices
Gostaría de partillar con vos os meus últimos descubrimentos, esas pequenas cousas que aledan a vista pola súa beleza, como é a web de
Apoline à Paris que é en si mesma unha obra de arte. E o outro día namoreime desta Venus da tenda de
Barn Fire Studio.
![](https://blogger.googleusercontent.com/img/b/R29vZ2xl/AVvXsEiZ8kfLDGsDTI10x6cqL-H-hOe6rJcOYrLCmbLrhbYPU2IcJ_YQfN6_HHIjunvKnIW7tL3TvtBOVzQvWerr4J-Rs1nWaPrwNO3QvGZ-8X-W6qOOm9GR8cL2iJ0X3sivd7N5YuByWet0mipX/s200/Barnfirestudio.jpg)
(Premendo enriba a vedes en todo o seu esplendor). Non deixedes de visitar a tenda para ver as cousas tan increívelmente bonitas que teñen.
E se a algunha lle sobran 15.000$ e quere facerme un agasallo, pois pode ir encargando esta fermosa cama:
![](https://blogger.googleusercontent.com/img/b/R29vZ2xl/AVvXsEjmDpZGb82WuigFuE45fojb2giFluNP54Qw1T9I8fFbpa5Os8bzPTmWzFMt-tn133wE9ZkuCIZxy7tNEI9cugqMGcIMRpkOJOeucTjB-6_KTbiq-up2ZDN9C5WHTIkvzG87J-YZSqFb5sAp/s200/tree+bed.jpg)
Por último quixera que alguén me dixera como demo fan estas cousas tan preciosas:
![](https://lh3.googleusercontent.com/blogger_img_proxy/AEn0k_skYGN1Vc9XUyAAHo5QHZehtR8Dhm30FrI6q3MOTuXO6AFjlS9skFdLDCgdBe8qZdYYtrPmHbv32-uiY565Ftb93NohL3LjX_jvTDyE_giaFTlF=s0-d)
Porque aí onde o vedes iso é papel recortado!! Eu xa coñecía a magnífica obra en papel de Elsita (
Elsa Mora) pero hai moitos outros artistas da tesoira :D Esta obra é de
Paper cut die cut's![](https://lh3.googleusercontent.com/blogger_img_proxy/AEn0k_sI_TfOzG-oF_tgbVbyaCWc26UZaqGz589MvlpwaVDZK3I4XKRxhwGMZ6U5RmCUxujMNvlgzHAz13AlBi1j7Yd2fx3qZ78_9AMPggoTJpkCv4GD4__SfHxWGLrACbix_GBLImhmETciass=s0-d)
E mirade qué "coisa máis linda" tocoume nun sorteo que organizaba
The Crafty Crow. É de
Be My Vintage Valentine e na foto no se aprecia pero ten o bordo do chapeu en prateado e por detrás escrito con caligrafía dun aprendiz de escritor o nome do neno ó que pertenceu e que quizais hoxe sexa avó, unha fofadiña!!
(Gústavos cómo tuneei a lámpada con esos perendengues?)