Outono invernal

Non podía deixar marchar esta estación sen rematar a serie que comezara co "outono primaveral" e o "outono outonal". Agora miro atrás e vexo que foron 3 meses moi intensos, onde case recorrinmos todas as estacións do ano e que ademais nos trouxo unha mudanza que seguramente dará un xiro importante á nosa vida.

Na casa nótase entre outras cousas na cociña acesa todo o día xunto coas estufas e o deshumidificador e na mudanza na decoración, onde se substitúe os productos do outono por outros máis "prácticos"

Que se fan imprescindíveis para saír fora a gozar coas primeiras nevadas

E da natureza que nos rodea:

O castiñeiro que nos deu as castañas que asáramos no "outono outonal" xa perdeu todas as follas e vese precioso co musgo que o enfeita

E o acivro que está á saída do pobo loce fermoso os froitos que comezaron a saír no verán e que agora dan ganas de comelos, tan vermellos e brandos.

Tamén xorden regatos onde antes só había herba seca (mágoa de terra desaproveitada)

E o reghatiño no que tanto bricáramos no verán, soña que é un río que vai dar ao mar

Adeus outono do 2009, fuches intenso e marabilloso