19 de janeiro de 2012

Estar sexi en zocos

Cando eu era nena, a miña nai mercábanos os zocos no verán, para que puidéramos ir con eles á ofrenda á Virxe da nosa cidade e despois empregábamolos todo o inverno, recórdome cos pés nos charcos, quentiños e secos e cando estaban xa porcos tinguíamolos de negro. Sempre quixen voltar a mercar uns xa de "maior" (ehemmmmm) e hai uns días compartía Leandrinho no seu taboleiro esta fermosísima fotografía das rapazas de Leilía, feita por  Jose Ramon Vilela Giraldez. Estos zocos tan marabillosos son da zoqueira pontevedresa Elena Ferro, filla e neta de zoqueiros.




Hai anos vin unhas botas de tacón dalgún artesán nórdico do que xa non recordo o nome, que me recordaban moitísimos aos nosos zocos, e fiquei namorada. Agora que Leandrinho ensinou esta marabilla, debezo por ter os meus!! (xa de paso tamén quero a mala para ordenador de rabaniños)


Podedes mercalos en "De Cotío" (Xelmírez nº26, Compostela) por só 175€ 

Producto nacional en madeira e coiro, porque hoxe máis que nunca hai que mercar na casa, xerar a riqueza no noso país.

Pódense escoller entre distintos tipos de pel e tamén de cores distintas, con e sen tacón (eu os quero con taconazo por favorrrrrrrrrrr).