8 de dezembro de 2009

Handmade Christmas II

Outro tipo de enfeites para facer cos pequenos, son os feitos con "arcilla" branca e dos que (creio) xa vos falara ou mesmo vo-los ensinara algunha vez.
Ó mesmo que os outros de hai uns días, son ben sinxelos de facer e fican moi vistosos na árbore ou noutro sitio, os pequenos a gozan facéndoos e mesmo poden servir de agasallo ou empregarse a modo de etiqueta para pendurar nos lazos dos presentes.
enfeites Nadal

Para facelos non fan falta grandes aparellos, nós empregamos un vaso, unha palliña, unha cera e formas da plasticina ou mesmo cortapastas.
enfeites Nadal


Co vaso cortamos a forma redondeada, coa cera facémoslle o buraco que servirá despois para perduralos e coa palliña debuxamos pequenos círculos.
enfeites Nadal


Para pintalos usamos témpera e fican ben vistosos! Aquí vos ensino algúns dos que fixemos. Tamén temos uns con forma de corazón e vistosas cores que levan os nomes dos pequenos, de tal xeito que cada un ten o seu corazón pendurado na árbore.
Imaxino estes enfeites pasando de "xeración en xeración" :)
enfeites Nadal

enfeites Nadal

enfeites Nadal

E vos? mercades todos os enfeites de Nadal?