16 de dezembro de 2009

Handmade Christmas III

Compártovos en forma de titorial paso a paso a grilanda que veño de rematar istos días. Deume traballiño mas ficou fermosa e estou moi contenta, agardo que vos guste tanto como a min.

Aínda que nun primeiro momento pensei en facela de cores e mesmo cortei e cosín varias bandeirolas, finalmente non me agradaba o resultado e comecei de cero decantándome polas cores do Nadal por excelencia: branco, vermello e verde

tutorial grilanda 14Alinhar ao centro

Materiais necesarios: Feltro, unha fita bonita, enfeites de pompóns, abelorios de distintas formas, botóns, fío e cola para tecidos.
(Tanto os abelorios, como os botóns, como os fíos son do bazar chinés)

Empreguei como motivo istos anxos trompetistas que me deu a miña nai e que non recorda de onde os sacou, mas supoño que nas tendas de decoración non han ser difíciles de atopar motivos semellantes ou en todo caso sempre podedes facer o voso propio :)

O primeiro paso e recortar o modelo (fíxeno cun rectángulo e un círculo) e colar o anxo.
tutorial grilanda 1 tutorial grilanda 2

Despois cosinlle a flor no círculo, que por certo foi a primeira vez que empreguei este tipo de bordado e de seguido cosinlle os abelorios pequenos a modo de pompas.
tutorial grilanda 3

Engadinlle outro abelorio no centro da flor, este branco mate en contraposicións dos verdes semitransparentes de arriba.
tutorial grilanda 4

Cosín as dúas partes da bandeirola
tutorial grilanda 5

E coleille a fita de pompóns (encántame o toque que lle dan istos pomponciños ás cousas).
tutorial grilanda 6

E dispuxen a fita de tal xeito que fun colocando as bandeirolas na súa posición definitiva axudándome dun alfinete.
tutorial grilanda 7

As bandeirolas van suxeitas por diante con cola de tecido
tutorial grilanda 8

E por detrás tamén, aínda que como non me fiaba dinlle unhas puntadiñas :D
tutorial grilanda 9
tutorial grilanda 10

Xa para rematar engadinlle nos extremos uns abelorios metálicos cun debuxo a modo de estrelas
tutorial grilanda 11

Cosinlle os enganches dos extremos (de venta en calquera mercería, non vaiades á ferretería como fixen eu).
tutorial grilanda 12

E engadinlle uns botóns brancos entre as bandeirolas, aínda que no medio cosinlle un botón branco máis pequeno sobre outro vermello.
tutorial grilanda 13


Agardo que gozarades co titorial e que vos animedes a facer a vosa propia grilanda de Nadal.

Boas Festas a todos e gracias por estar aí.
tutorial grilanda 15




DIY Day @ ASPTL

BCD Show and tell