30 de dezembro de 2008

Feliz Aninovo!!

Acaba este marabilloso ano e con el remata tamén o noso primeiro "trimestre escolar", temos traballado moito e témolo pasado moi ben.


O blogue cumpre case 6 meses de "vida" con moitas máis visitas das que esperaba, con moitos proxectos compartidos por moita xente atopada de casualidade e non quero deixar pasar un día sen agradecervos a vosa participación nesta toleada miña do proxecto semanal. Un millón de grazas!! sen vos non non existiría.

Tamén quero agradecer as vosas visitas a todos os que vos achegades a este recunchiño meu e animarvos a saudar a aqueles que vindes a miúdo e marchades caladiños. E agradecervos a cariñosa acollida nesta inmensa comunidade virtual.

Xia pedíanos que fixéramos unha lista de resolucións para o ano novo e eu a verdade que non son moi dada a facer listas, o meu (o noso) é facer o camiño andando, aprendendo de cada pedra e de cada flor e desfrutando do momento: "Carpe diem". Tampouco me atrevo a pedir nada, como dicimos os galegos "non hai que mentar ó demo"

E vou rematando os meus traballos pendentes, aínda que como polo camiño voume embarcando noutros a cesta non se da baleirado :D Este foi o último en abandoar a cesta, gústavos?



E engado outros 3 blogues de homeschoolers:
A min tenme enganchada o blogue de Enmanuel (co pouquiño que me gustou a min sempre a historia, quem mo ía dicer!!), recoméndovolo, e tamén que vaiades visitar o blogue de Javier (o dos Monstruos) porque aínda que está a empezar, puxo uns vídeos que ós vosos pequenos seguro que lles van encantar.

E tamén avisarvos do novo blogue de Sylvia: Esas pequeñas cosas, aprendiendo en casa


Deséxovos un novo ano cheo de ledicia, que sexades moi felices e que Deus vos bendiga.

LinkWithin

Related Posts with Thumbnails