18 de agosto de 2008

Proxecto semanal moi verde

O primeiro proxecto semanal tiña como tema: VERDE e nós traballamos en varias propostas.

A primeira é a máis "lúdica" e está baseada nunha idea de Coastalgirl, tan sinxela como pintar de cores os ocos dunha caixa de ovos para despois clasificar (outra vez a idea de clasificar) por cores os tesouriños que nos da a natureza.

Clica enriba se queres velas máis grandes.

Coa segunda proposta vimos as partes da árbore e reciclamos caixas de cereais.

Clica enriba se queres velas máis grandes.
E agora temos un pequeno bosque de mazás para xogar e onde os cabalos salvaxes corretean alegremente.

Clica enriba se queres vela máis grande.

E a terceira e última proposta verde, que ainda non rematou, consiste en xermolar fabas nun recipente de cristal, ademáis do anaquiño de algodón para manter a humidade púxenlle ese guardanapo de papel de cor azul para poder distinguir mellor as raíces. Agora estamos a aprender cómo se forman as plantas partindo da semente, que se alimentan polas raíces,...


Así estaba fai un par de horas, xa cos cotiledones fachendeando e facendo a súa función. Prometo por toda a secuencia. Se vos animades a facelo cos peques, non esquezades de probar cun par de fabas pois nen todas xermolan, de catro só dous foron pra arriba e as dúas que o fixeron levan un ritmo de crecimento totalmente distinto cos mesmos coidados.