Cortamos as ceras en pedaciños pequenos (tamaño chícharo), tendo coidado de non xuntar as cores, eu tamén empreguei os restos de afilar pra facer dous osiños. Para a forma usamos un molde de cociña (pódese empregar un vello) tendo en mente que despois non o imos poder empregar para usos culinarios, eu merquei un metálico no bazar chinés por 2'50€ mais penso que os de silicona han ser moito máis doados de desmoldar.
Mentras os nenos van metendo os pedaciños das ceras no molde, escollendo as combinaciós de cores, poñemos o forno a precalentar (uns 10 minutos a 150º). Tendo en contar que as ceras ó derreter van "baixar" enchede os ocos até arriba de todo.E pra rematar cocémolo no forno ate que as ceras estean derretidas (15-20 minutos como moito). Pra desmoldalas podédelas meter no conxelador durante unha hora e así xa rebentan soas para fora.
