Pequena lista de cousas por facer

Se gostas dela para o teu blogue, levaa :)

EDITO:
Se alguén a quere para imprimir que me mande un e-mail que llo envío en pdf con maior resolución.

As citas do mes: xuño-09

"Creo que nacemos dos veces. La segunda, hacia los brazos de nuestros hijos."
Claudia

"Muchas veces no tengo muy claro si educo en casa o por fin: “Me educan en casa"
Jacqueline

"Antes de casarme tenía seis teorías sobre el modo de educar a los pequeños. Ahora tengo seis pequeños y ninguna teoría."
Lord Rochester

Non é a carne e o sangue, senón o corazón o que nos fai pais e fillos.
J.C. Friedrich Schiller

Caixa de ler

Hai dúas semanas recibimos a petición: "mami, quero aprender a ler" e comezamos "silabeando", primeiro en castelán que é máis sinxelo mas xa estamos a engadir sons galegos na lectura.

A caixa ten pequenos recortes para aprender a ler, os sons por unha banda e frases sinxelas pola outra, que tanto serven para ler illadamente como para facer pequenas composicións.

Verán outonal

Adoro a miña terra, gústanme as súas xentes, a súa cor, o seu arrecendo, os seus sons,... O seu clima gústame a ratos :D gosto da choiva, aínda que cando ven acompañada de vento xa non tanto e esta é terra de choiva, grazas a ela temos esta preciosa cor verde e moreas de ríos e regatos e aínda que ás veces acaba coa nosa paciencia (como este ano, que leva chovido 9 de cada 10 días) con ela vivimos o día a día con normalidade e a ela temos que agradecerlle que haxa menos incendios, a pesar de que nos tire as peras.

O pío xa era da casa da miña aboa (na casa chamámoslle píos ás pías, sexan grandes ou pequenas), quen sabe cantos anos leva dando de beber ós animais?

Con todo e acompañados pola babuña, brincaron na máquina marabillosa que noutrora labrou a terra e que hoxe transfórmase nunha zorra ou nunha carroza

Recolleron as súas primeiras patacas, que crecen ceibas no noso cada día menos salvaxe xardín

E observamos os pequenos habitantes que moran con nós

As engurras son herdanza, adóroas! cando as vexo lembro as da miña avoa.

E tamén deu tempo a comezar novos proxectos, desta vez un pendurico principesco, co republicana que é unha!! :D

Non hai pior cego que o que non quere mirar

Vía Homeschool news link

Muñekixus

Un novo anunciante substitúe a Crocheted Little Things, hoxe imos coñecer o traballo de Helena, portuguesa vivindo na Coruña. No seu blogue: Muñekixus podedes ver todo o que fai, traballa o feltro e outros tecidos e tamén pinta.

Podedes atopala tamén en Habitamos e mais en Artesanum

Summer time

Bueno, o de summer time é un dicer porque por aquí xa está a chover outra vez grrrrrrr

Non quería deixar de ensinarvos unha foto da cacharela á que fomos celebrar o san Xoán, como vedes aquí facemos as cacharelas ben grandes e só cando están un pouquiño queimadas é que se empezan a saltar.

E tamén vos quería ensinar o noso móbil adicado ó verán, está feito con caixas de cereais e lá. Para pintalo usamos témperas e ceras.

Penduran dos raios un parasol, unha bolboreta con outras máis pequenas e de cores dentro, un flotador, un xeado multisabor e un castelo de area cunha pluma a modo de bandeira, e nos raios de arriba carteliños coa palabra verán nas linguas que se escoitan máis na casa: galego, castelán e inglés.

Crocheted Little Things

Como vedes na columna da dereita, dende hai uns días un novo anunciante sustitúe a Mis Pañalitos, trátase de Crocheted Little Things, o proxecto creativo de Luisa, unha italiana cuns ollos preciosos que está a viver nos USA.

Luisa fai unhas cousas en crochet preciosas, a min encántanme as súas madalenas e as "esponxas" para o baño. Nós temos unha madalena que se abre e que queda preciosa pendurada nalgún tirador ou mesmo na árbore de Nadal, tamén poderían formar parte dun precioso calendario de advento pois en cada madalena podedes agochar pequenos tesouriños.

Podedes ver e mercar as cousas tan bonitas que fai na súa tenda etsy e tamén en Shop Handmade


Por certo, neste blogue están a sortear uns peúgos dela, por se queredes probar sorte ;)