As citas do mes: xullo-09

"Non é a carne e o sangue, senón o corazón o que nos fai pais e fillos.
J.C. Friedrich Schille

"Dar exemplo non é o principal xeito de influír sobre os demais, é o único xeito"
(Albert Einstein)

"A sociedade paga moi caro o abandono no que deixa aos seus fillos, como os pais que non educan aos seus"
(Concepción Arenal)

Cumpreanos

Hoxe en dia os cumpreanos convertéronse nunha celebración desmedida do consumismo e aseméllanse máis a pequenas vodas que ás festas de cumpreanos da nosa infancia. Cando era nena o cumpreanos celebrábase na casa cun par de amiguiños, unha tarta, uns bocadillos e ala! a pasalo ben! :) Agora seica é "preciso" un "parque de bolas" ou similar, uns 30 ou 40 nenos, paquetes cheos de larpeiradas para cada un e agasallos dun mínimo de 15€ (e creo que estou sendo demasiado forrona)

Uns amigos contáronnos no inverno que tiñan polo menos un cumpreanos todas as semanas. Os nenos só ben agasallos enormes que chegan facilmente unha e outra vez sen ningún esforzo e creo que iso non é bo nin para o neno que está de cumpreanos nin para os outros, por iso na casa a celebración dun cumpreanos non se limita a ir á tenda a mercar "algo", senón que empeza coa realización da tarxeta de cumpreanos, que é feita polos meus pequenos con todo o seu cariño.

Aquí vos poño só tres exemplos para que vos fagades unha idea. Como vedes non é só un debuxo, senón unha mistura de técnicas e materiais varios, entre eles o noso benquerido cartón de caixa de cereais :)
E ademais das tarxetas (cada pequeno meu fai unha) acostumamos facer outro agasallo que case sempre é un libro ou algo feito na casa (un xoguete en feltro, un pendurico, unha camiseta bordada,...) .

E por último, a "guinda": Para envolver os agasallos prefiro o papel de estraza (ou papel de embalar) ao típico papel de agasallo, ademais agora hai papel de estraza (como se di en galego?) de moitas cores bonitas.

Na casa gustamos de pór o noso cariño nos pequenos detalles, personalizar o paquete cunhas coroas como neste caso, uns coches, uns corazóns,... ou mesmo debuxando no papel.

Suspéndense as revisións rutinarias pediátricas

Decidín ir recollendo no blogue aquilo que nos poida interesar sobre a gripe esta do demo.


A primeira mensaxe é para informarvos da decisión do SERGAS de suspender as revisións pediátricas de control nas que non sexa preciso pór a vacina de turno e deste xeito non expor ós nenos sans ó posível contacto co virus.

A min paréceme unha medida moi acertada, as salas de consulta pediátricas soen ser un caldo de cultivo de infinidade de virus e supoño que pórlle trabas ó avance do virus axudará a non colapsar o sistema sanitario.


Deíxovos dúas ligazóns:

• Comunicado da consellería de Sanidade sobre o brote de gripe polo novo virus AH1N1
• Portal do Sergas para informar á cidadanía e ós profesionais: www.sergas.es/gripe

Sunshine

Seica levamos apenas 6 días de sol durante todo o mes de xullo, así que cando sae o sol é todo un rebumbio de actividade.
Chega o tempo de:

Pór lavadoras

E coa roupa tendida ó sol aparecen nenos a correr entre as sabas molladas e a facer como se fosen pantasmas

Comer riiiiiico

As ameixiñas da árbore, as framboesas que nos deixan as merlas, churrasquito....

Subir ás árbores

Brincar coa lama

(Recoñeces os marciáns Ipe? ;) )

Brincar coa area

Non é na praia é no noso xardín :) No areeiro botei unha morea de cunchas e agora son toda unha sorpresa cando se atopan.

Istos días citáronse moito as palabras dun sabio ó que agardamos coñecer e despexar o seu anonimato: "isto só o teñen os moi ricos e nós"

Estou por casarme outra vez

Agardo que o sorriso aflore non só na cara, senón tamén no voso corazón.
Non se debe abandonar a infancia, a nosa patria verdadeira!

Vía kind over matter

P.S. Laura, esto con los vestidos rosas con lunares verdes va a ser la repera!! XDDDDDD

O noso día

Hoxe 25 de xullo celebramos o Día da Patria Galega, porén cada día Galiza é menos patria e menos galega para irse diluíndo na uniformidade que reclama o pensamento Húnico (*)

Este foi o escudo que Castelao soñou para a Galiza e dáme moita mágoa ollar para el porque representa moitos soños rotos non xa dende o nacionalismo senón sobre todo dende o socialismo.

(*) Pensamento Húnico: aquel que por onde pasa non deixa medrar outro.

Venres mudito :)

Terceiro proxecto trimestral: ANATOMÍA

Xa hai tempo que temos empezado outro proxecto trimestral, esta vez adicado a anatomía. Fágovos unha recompilación do que levamos feito e agardo que vos sexa útil esta mensaxe porque levo dende maio a facela ós poucos.

O primeiro que fixemos aproveitando o proxecto semanal foi xogar con osos e despois montamos o noso esqueleto que se chama Chocolata e ten chupeta propria. Foi mercado por fascículos cun xornal de "cuyo nombre prefiero no acordarme" hahahaha aínda que se alguén está interesado na ligazón que puxen pode enteirarse de cómo mercalo directamente á editorial, como xa teño dito nos comentarios foi caro, pero paga a pena (por certo que hai un esquelete dun T. Rex que é de impresión!)

Tamén integramos dentro deste proxecto trimestral aquel dos "pelos" do proxecto semanal e por suposto tamén ollamos a serie de Érase una vez la vida, cántos recordos! e enchemos o noso mural.

Aquí a pobre chocolata sae "desintestinada" a coitada.

Os libros que temos na casa para pequenos sobre o tema son de esquerda a dereita:
- El cuerpo humano, que viña co esqueleto.
- Como trabaja tu cuerpo, que era meu de cando pequena (vaivos encantar esta ligazón).
- A aula na casa. O corpo humano, unha obra de consulta de 17 tomos da Voz de Galicia que tamén mercamos hai tempo co xornal.
- O teu corpo (a versión en castelán a tedes aquí) que mercamos despois de telo collido un montón de veces na biblioteca.

Un montón de esqueletes, algúns en familia.
Os móbiles tedes para descargalos nas ligazóns de embaixo. Para facer movibles as articulacións usei la cun nó en cada lado

Os órganos están pegados só por un punto de xeito que se poidan levantar e fíxenos con papel transparente.

Os grandes protagonistas, xunto cos xermes, das conversacións destes meses.

Tamén fixemos un lapbook

......................................................................................

Imprimíveis:

• Proxecto corpo human
• Xogo de memoria: partes do corpo
• Esquelete bailón
  
• Un montón de imaxes
• Body & Health
• Los 5 sentidos (I)
  
• Los 5 sentidos (II)
• Un esqueleto de papel do tamaño dun neno
  
• Máis sobre anatomía
• Online Human Anatomy (se cadra para un pouco máis maiores)

Xogos:

• El enigma de la nutrición
• El juego del cuerpo humano
• Un xogo dos 5 sentidos
• El esqueleto humano
• Misterios del cuerpo humano (1º ciclo de primaria - lectores)
• Descubre las palabras del cuerpo humano (lectores)
• Aula de salud
  

Máis recursos:

• El cuerpo humano
• CUERPO HUMANO: Órganos sensoriales
• Conocimiento del medio.
• Necesidades educativas especiales
• Unha chea de ligazóns
• Open Wide and trek inside
  

• Recursos MEC: Salud: “Crezco feliz”
  1º		1. El cuerpo humano. 2. Los sentidos. 3. Los alimentos. 4. Salud y enfermedad.
  2º		5. Nutrición, relación, reproducción. 6. Aparatos y sistemas.
  3º		7. Enfermedades. 8. Hábitos alimentarios saludables. 9. Mejora de la salud y la alimentación.

Libros "online":

• Mamae botou um ovo
• Diccionario por imágenes del cuerpo humano
• Human anatomy coloring book

E se queredes levar o proxecto "máis aló" hehehe

I heart guts: Camisetas, bonecos,... son preciosos!

Belén: estou a ver se che quito o posto hehehehe

Ensinando na lareira

Vía "una web en cirílico" con un montón de cadros que debedes ver :)

Traballos de verán

Xa estivo a máquina a limpar nos arredores e temos as leiras limpiñas que da gosto velas, sentímonos un pouco máis protexidos contra o lume e contra as serpes pois esperamos que entre a traballeira das máquinas e a limpeza fuxiran para o monte, porque non vos podedes imaxinar a de víboras que andan a aparecer polo pobo, por suposto xa houbo quen dixo que "as botan" Quen será o que anda a criar bechos para botalos nos pobos galegos? porque no pobo viciño seica outro paveiro lles botou pulgas!! ;)

Despois da limpeza veñen as outras máquinas a embalar a herba para alimentar ós animais no inverno e co tractor (este levado por unha muller) vannas xuntando

E co trebello este as empacan

É incrível como o progreso tecnolóxico trouxo tanto retroceso no coidado do noso planeta, fixádevos na cantidade de plástico que xera unha actividade antes tan limpa e beneficiosa para a terra.

Primeiro cumpreBlogue!

Pois é, aínda que me parece incrível xa pasou un ano dende que escribín o primeiro post que comezou este blogue instigada (e inspirada) por Xose e máis a que se converteu co paso do tempo na miña xemelguiña :)

Un ano con máis 20.800 visitas, 71 seguidores, aparicións en Cucurrucu!, ABC&123 (e aquí), en Vieiros, en Kireei,...

Nun principio pensaba facer un sorteo mas despois pensei que era mellor premiarvos a todos os que me visitades e aquí está o meu agasallo de cumpreblogue, unhas preciosas bandeirolas (clicar para descargalas) para que imprimades na casa e que eu estarei encantada de ver como vos quedaron e onde as empregáchedes, así que non vos esquezades de sacar fotos :)

O "estampado" son unhas florciñas aínda que aquí vedes outras versións.

Son ben doadas de facer, imprimídeas, recortádeas, escolledes a corda ou fío do voso gosto e ides dobrando cada bandeirola, escolledes a colocación das cores e por último aplicades o pegamento

E as ides pegando no fío

Et voilà!

Como vedes quedan ben onde queira que se poñan, na xanela, nos estantes, na parede,... mesmo as podedes pegar en escarvadentes e empregalas como topes para as madalenas ou outros pequenos bocadiños.

Que as disfrutedes!

Hoxe non é precisamente o día que cumpro o ano, mas non podía agardar máis tempo hehehe

Proxecto trimestral: ESPAZO

Xa hai un par de meses que rematamos co proxecto trimestral adicado ó espazo mas tiñamos o lapbook pendente "duns detalliños" e non foi até agora que me decidín a subilo. Como no caso anterior está deseñado enteiramente por min adaptado ós meus pequenos. A maioría das imaxes foron obtidas da miña favorita (e máis frecuentemente usada) fonte de recursos: o google imaxes, outras foron feitas por nós ou recortadas de revistas.

As cancións e poemas son: "Luna lunera", "A neve e o sol" (Helena Villar Janeiro), "Quisiera ser tan alta", "El sol quería bañarse" (Salvador de Madariaga) e "O sol" (Manuel María).
Na parte do medio que se levanta por un lado está o traxe completo que levou Aldrin e por detrás unha foto da comida que levan ó espazo.

Unhas fotos do lapbook onde podedes ver mellor os detalles.

Mensaxes anteriores relacionados co tema deste proxecto:

• Mural
• A vida no espazo
• O espazo nas nosas vidas
  
• Cosimos constelacións
• Fichas de elaboración propria e un pequeno cartaz co nome dos planetas (tanto serve para galego como para castelán).
  
• As estacións
• Tentamos facer un foguete con material de refugallo
• Fixemos unha lúa para "ler" cos dedos
  
• Un monte de recursos

Mágoa non saber quen é o autor

Vía Weblog Pensamiento Pedagógico Radical

Mis Maricuchis

Vai pasar un tempo acompañándonos Carmina de Mis Maricuchis, esta chica sevillana fai unhas cousas preciosas en crochet, feltro,...

É un pouco difícil escoller entre todas as súas creacións pero fixádevos que monadiña de body, que colgador para as portas tan tenro e que broche tan chic

Podedes botar un ollo ó seu catálogo para ver todas as preciosidades que fai e tamén probar sorte no seu sorteo.

Amo-te mil milhões

Esta semana acompáñanos Virgínia do Amo-te mil milhões.
Ela é doce como as cousas que fai, que non só teñen ese aquel que só teñen as cousas feitas a man senón que ademais están feitas cun cariño e un amor de mil millóns, o seu blogue non só inspira cousas belas para facer (ou soñar que as fas como no meu caso), senón que ademais é un exemplo de respecto, de amor, desa crianza da que eu gosto tanto!!

Non deixades de visitar o seu blogue ou a súa tenda en Dawanda, se tedes un agasallo por facer o ten ela e se necesitades un mimiño para a casa tamén o ten ela.

Pequena lista de cousas por facer

Se gostas dela para o teu blogue, levaa :)

EDITO:
Se alguén a quere para imprimir que me mande un e-mail que llo envío en pdf con maior resolución.

As citas do mes: xuño-09

"Creo que nacemos dos veces. La segunda, hacia los brazos de nuestros hijos."
Claudia

"Muchas veces no tengo muy claro si educo en casa o por fin: “Me educan en casa"
Jacqueline

"Antes de casarme tenía seis teorías sobre el modo de educar a los pequeños. Ahora tengo seis pequeños y ninguna teoría."
Lord Rochester

Non é a carne e o sangue, senón o corazón o que nos fai pais e fillos.
J.C. Friedrich Schiller

Caixa de ler

Hai dúas semanas recibimos a petición: "mami, quero aprender a ler" e comezamos "silabeando", primeiro en castelán que é máis sinxelo mas xa estamos a engadir sons galegos na lectura.

A caixa ten pequenos recortes para aprender a ler, os sons por unha banda e frases sinxelas pola outra, que tanto serven para ler illadamente como para facer pequenas composicións.