7 de junho de 2009

Madalenas de Nutella

Hai tempo coñecín esta receita no blogue de Azu de Inspiración y objetivos, e como dixo ela daquela tedes que facelas ou enfádome!! :DDDDDDD Están boísimas!!


MADALENAS DE NUTELLA

Ingredientes para 12 madalenas:
10 culleradas de manteiga
3/4 de cunca de azucre
3 ovos grandes a temperatura ambiente
1/2 culleriña de esencia de vainilla
1 e 3/4 de cuncas de fariña
1/4 de culleriña de sal
2 culleriñas de po de enfornar (tipo levadura Royal)
12 culleriñas de Nutella (1 por cada madalena)


Preparación:
Cun batedor bátense a manteiga e o azucre ata que que a mestura estea cremosa. Logo engádense os ovos e a vainilla e continuase a bater. Por último a fariña, mestúranse aparte o sal e o po de enfornar e engádense.

Nos moldes para madalenas agrégase unha cullerada grande da mestura en cada un sen enchelo de todo, un pouquiño máis da metade. Logo engádese a cada molde unha culleriña de Nutella e coa axuda dun escarvadentes reméxese un pouco a Nutella coa mestura da superficie.

Lévanse ó forno por 20 ou 25 minutos ou ata que ao introducir un escarvadentes saia limpo. Ao sacalas do forno déixanse arrefriar sobre unha reixa e listo!!!!

Xa me contaredes ;)