5 de junho de 2009

Diario dunha muller sinxela

Diario de hoxe 5 de xuño:

Se miro pola xanela... vexo algúns claros no ceo, mas choveu a base de ben e mesmo tronou, como sigamos así este ano non hai problemas nin de auga nin de incendios.

Estou a pensar... en todos os proxectos que teño empezados e que quero rematar, sempre me meto a facer vinte mil cousas ó tempo.

Dentro das cousas que aprendemos, hoxe... estivemos a xogar no PC a un xogo de montar un esqueleto, sinxelo mas didáctico.

Síntome agradecida por... istos últimos 5 anos, a ver se se prolongan :)

Das cousas de comer salientar... hoxe pouca cousa a verdade, o meu ánimo seica está como o tempo :P

Teño posto... uns pantalóns vaqueiros e máis unha blusiña a riscas brancas e violetas moi mona e moi "pija" XDDDDDDD Non é do meu estilo mas gusto moito dela, pode que sexa precisamente por iso, quizais sexa como ir disfrazada e deixar voar a imaxinación ;)

Estou a ler... ler? e iso que era? :P

O que espero... que deixe de chover por deusssssssssssssss!!

Estou a crear... vou facer un outro panel, imantado e por riba con pintura de encerado. Funcionará igual a pintura imantada?

Estou a escoitar... shhhhhhhhh é a hora da sesta

Por toda a casa... o caos!! danme ganas de abrir unha xanela e tirar con todo, temos demasiadas cousas!

Unha das miñas cousas favoritas meter os dedos nas lentellas.
Agora xa hai tempo que non o fago, hai anos as lentellas botábanse na mesa e cun dedo íanse separando as boas das sospeitosas de ter becho ou estar estragadas e sempre aproveitaba para meter a man na cunca só uns segundiños antes de botarlles a auga que as ía ter en remollo durante unha hora para hidratalas.
Hoxe en día xa non fai falla, as lentellas veñen tratadas contra os bechos.
Gañamos tempo mas perdemos un pequeno pracer da vida.

Algúns plans para o resto da semana... ir pasear á montaña se non chove.

Unha foto para compartir:
O maior espectáculo do mundo!! :)
Cáeseme a baba!!