Mercores de primavera

Pois si, esta semana tamén hai novos ;)

• mi bachillerato. O novo blogue de Emma (O fillo de Ipe)
  
• La ciencia en mi familia. O novo blogue de Carlos (o home de Jacqueline)

A ver se me poño un día a engadir todos os blogues que fun poñendo nos posts do mércores, se alguén leva o traballo que me avise e xa non o paso eu, algunha voluntaria? :D


Teño que agradecer tanto mimiño que me dades, non sei se son merecedora de tanto premio e tanto cariño. Moitísimas grazas!!

A profe Noemí do blog de Iris, concedeume o Premio Symbelmine (no me olvides), "Con él se pretende agradecer a los blogs premiados su trabajo y esfuerzo".
E o requitito é que teño que escoller 7 blogues ou sitios de Internet que pola súa calidade, afinidade ou calquera outra razón, conseguiron estabelecer un vínculo que desexo reforzar e premiar cun "no me olvides". E non quero esquecerme de:

1. Maite, de Adivina cuánto te quiero
2. Silvia, de Creciendo Unidos
3. Paula, de Aprender Sem escola
4. Marcela, de Lo que hacemos juntos
5. Abby, de One crayola
6. Isabelinha, de A escola é bela
7. Ana Paulina, de La mamá gallina y sus cuatro pollitos

E dende Papacontos (o blogue dos nenos de primaria do CEIP Luis Pimentel) mímanme co Premio "Olha que blog Maneiro" que por aquí "traduciríase" como "olla que blogue tan feitiño".
E téñolle que pasar o mimo-premio a 10 blogues!! !válgame dios! :DDDDD os meus elixidos son:

• tAmoMolt, porque non só o blogue é ben feitiño, senón que a roupa que vende é unha preciosidade!
• Alas y aletas, que ten un dos blogues máis tenros da blogosfera homeschooler.
• Xiula Maula, ide, ide ver qué bonitiño o ten!
• mi hijo mi maestro, a quen a síndrome do niño lle chegou ó blogue
• El fallo positivo, unha xoia informativa cunha imaxe ben bonita
• Gisele Jaquenod, outra xoia para a vista (e cunhas plantillas preciosas de balde!)
• Zait, feitiño en varios sentidos, na vista, no ouvido,...
• Hasta la luna ida y vuelta, otro blogue que da gusto velo!
• Monimenuts, gústame a imaxe tan limpa que ten, tan bo de ler.
• Creciendo unidos, porque ten un montón de pequenas sorpresas na entrada

E a miña xemelguiña Janil deume este mimiño que tampouco tiña e dín que teño que escoller outros dez blogues??? arf, arf, arf hahahaha.
Todos os que estedes a ler este post dádevos por mimados, este é un mimo urbi et orbi!! ala!! pa máxíca eu!! ;)



Esta semana a casiña para o pobo que vou montando (na miña cabeza, claro) é en honor a Dióxenes :D

Vía Reel furniture

Por veces paréceseme a un horreo vikingo e outras tenme un aire mongol. A vos a que vos recorda?

E xa postos a seguir soñando... O próximo bebé que teña levará istos incríbeis peuguiños de Mahar Drygoods (non deixedes de visitar a tenda porque vos vai gustar).

Non vos parecen a cousa máis bonita e alucinante que pode levar unha bebiña?

E falando de cousas dos blogues... Non sei a vos pero a min faime moita ilusión que me resposten cando deixo un comentario e por iso cando os deixo acostumo a deixar marcada a casilla para que me manden un e-mail se recibo resposta (aínda que teño que dicirvos que ás veces non funciona) e tamén por iso teño activado que cando alguén escreba un comentario no meu blogue me chegue un aviso por e-mail, ademais como che di onde se deixou o comentario é máis doado de atopar cando se trata de mensaxes "antigas", se non tendes os comentarios moderados é un bo xeito de non deixar ós invitados coa palabra na boca ;)
Se vos interesa activalo está no Panel de control do voso blogue, na pestana de "Definiçoes" (non sei como aparecerá noutras linguas, é a segunda pestana) dentro da sección de comentarios, abaixo de todo pondes o e-mail a onde queredes que vos cheguen as notificacións. :)

Por certo, tamén en "definições", onde pon "básico" podedes facer unha copia de seguridade do blogue na ligazón "exportar blogue" Coidadiño que ó seu carón está a de "eliminar blogue"!!

E compártovos outras das cousas que me fan gañar tempo. Xa vos falara do bloglines, co que estou encantada a pesar de fallar tan a miúdo, e hai pouco descubrín que se poden deixar os comentarios preparados para que se publiquen un día e unha hora determinada (aínda que xa sabedes que algunha vez se escaparon por non calcular ben hahaha). Deste xeito, cando teño tempo preparo varias entradas ou as deixo a medio preparar (como é no caso do "Diario de una mujer..." Ipe) e vanse ceibando soiñas :D

E xa para rematar quérovos falar da miña última descuberta, que non é visual senón auditiva, espero que vos goste tanto como a min e cando escoitedes a Lisa Hannigan pensade que seguramente eu tamén a teño de fondo, déixovos un vídeo marabilloso que tamén podedes ver na súa web (que por certo é moi costureira hehehe).