Paideleo ven de pasarme un meme moi divertido que consiste en dicir que farías se foses millonario, pero non un calquera senón un millonario excéntrico. Así que a banda sonora do meme sería "Si yo fuera rico". Teño que confesar que me costou facelo porque teño alma de millonaria filántropa e a excentricidade debo tela moi agochada, pero rabuñando, rabuñando...Aí vai o que me saíu!!
1. Mercaríame unha illa perdida no medio dun deses mares cálidos onde as augas son transparentes. E como estaría podre de diñeiro contrataría unha tropa que desfixera as tormentas e aquelas cousas que viñeran a amolarme o descanso.
2. Mercaría un camión tráiler para facer del un fogar para dar a volta ó mundo (cando estivera cansa de tanto viaxar iría darme un baño na miña illa) e estaría decorado ó xeito "Yellow submarine" :DDDDDD
3. Restauraría todos eses pequenos pobos da Galiza que están a morrer sen xente e encheríaos de vida!!
4. Mercaría o Amazonas, e tamén a Antártida, para conservalos por sempre xamais. E aproveitaría para ir visitar a eses pobos que viven case na idade de pedra.
5. Deixaríame de excentricidades e adicaríame a filantropía que é menos egoísta.
Gostaríame saber que excentricidades farían Janil, Airenita, e despois sigo que me reclaman :P
Continúo :D Olivia_P, Maxiavida, LM e a Nika
